Jæja dagurinn í gær endaði ekki vel eins og hann var nú góður dagur annars..
En það var rosalega gott veður hjá okkur í gær.24 stiga hiti og golan var meira að segja hlý. ég fór út í garð með krakkana eftir að Örn var búin að leggja sig. Við fórum út með tjald og teppi. Var alveg æðislegt að vera úti stelpurnar fóru í stuttbuxur svo ég skaust inn og náði í stuttbuxur á Örn líka svo allir voru í sumarklæðunum. Ég tjaldaði svo þessu fína símatjaldi sem við fengum gefins í sumarið 2006 að mig minnir og aldrei tjaldað því, en ég er auðvita svo klár mamma að ég skellti þessu upp og ekkert mál (enda er þetta nánast aulahelt). En það var æðislegt að vera úti og kaffitíminn var haldin í garðinum. ´Stelpurnar sulluðu líka í garðúðaranum hjá honum Snorra. svo uppúr kl 18 var farið að kríta á stéttina og farið að róast yfir liðinu. Svo var kl að verða 19 og ég hugsaði með mér að það væri nú komin tími á að smala liðinu inn og gefa þeim að borða fyrir háttinn.. Selma var nú ekkert á því og vildi endilega hjóla svo ég sagði já einn hring í bílaplaninu og svo inn. Jú daman vildi það og Silja ákvað að hjóla líka einn hring . Selma fór ekkert þennan hjólahring. Nei þegar hún var búin að hjóla upp bílaplanið og var að fara að snúa við þá datt hún á hjólinu. Öskraði auðvita og ég var nú ekkert að stressa mig á því(hún er nú vön að tjá sig með því að öskra) því ég hélt að þetta væri nú ekkert alvarlegt þar til ég tók hana upp.. OMG hvað mig brá., jú ég sá blóðdropa og hugsaði að hún hefði sprungið vör.. en nei þetta var ekkert nokkrir blóðdropar þegar ég tók hana betur upp þá bara lak blóðið í hárið á henni og og útum allt. ég bara hugsaði ekkert, hjóp bara af stað með hana og hringdi á dyrabjöllurnar hjá nágrönnunum ég varð svo hrædd. sá ekkert sár ég sá bara blóð sem lak um allt.´ég fékk alveg hjálp og það var komið með handklæði og Hún kristrún tók Örn og Silju á meðan Snorri keyrði með okkur Selmu upp á spítala. Þegar þangað var komið urðum við að bíða svolitla stund eftir lækni og þá var ég orðin róleg og tók handklæðið frá sárinu. Þá var það nú ekki stórt en það var djúpt og Selma var öll í blóði andlitið litla og fötin og ég var líka öll útötuð. En sárið var lítið en blæddi mikið úr þessu. Það var nú hætt að blæða en ég ákvað að hafa handklæðið bar áfram yfir sárinu. Svo kom Gréta og skoðaði og þreif hana í framan. Já það þurfti nú ekki að sauma og skurðurinn leit vel út og ekkert mál að klemma saman svo hún límdi sárið saman og svo var settur klemmuplástur yfir það og vatnsheldur plástur þar yfir. Svo núna er daman með þennan fína plástur og STÓRA kúlu á enninu. En eftir þetta var farið heim og alir látnir vita að þetta var ekki eins alvarlegt og leit út í fyrstu. Svo var talað við Ömmur og afa. Svo heim borðað fötin þvegin og hárið skrúbbað.
Selma svaf vel í nótt og er alveg hress og kát :)

kv. frá Skagfirðingabrautinni

Jæja á maður ekki að blogga eitthvað úr því að ég ákvað að gera blogg síðu humm . En núna er ég búin að vera að púla og puða eins og brjáluð ofvirk húsmóðir. En mér datt skyndilega í hug að breyta til hjá mér einu sinni en. Já en þar sem ég bý frekar þröngt þá er það ekki alveg mjög einfalt, en af því að ég er nú súperdúper klár þá auðvita gat ég þetta. Jú ég gerði dótaherberi úr herberginu hennar Silju þar sem hún er aldrei þarna inni hvort sem er þá sá ég að þetta ætti alveg að ganga upp. Ég gróf því upp mína leyndu Stjána Bláa vöðva og byrjaði á því að dröslast með kommóðuna úr herberginu yfir tvo þröskulda og inní hol, já ef ég hefði ekki átt þessa leyndu Stjána Bláa vöðva hefði þetta kommóðu ferlíki ekki farið einu sinni yfir fyrsta þröskuldinn. En eftir kommóðuna þá var mér strax orðið hrikalega heit og fór úr peysunni.. og reyndar á meðan þessu stóð þá varð mér bæði heit og kalt til skiptis svo ég var í því að klæða mig í og úr peysunni. En já ég byrjaði á kommóðunni og svo fór ég að taka dótið hennar Selmu úr herberginu hennar og yfir í hitt herbergið og gekk það vel bara. En svo var það rúmið já ég fann verkfæra kassann sem kallinn á og fann mér sexkannt sem passaði, dröslaði dýnunni fram á gang sem ég er næstum viss um að er jafn þung og kommóðan, já ég þurfti að taka 5 mín pásu eftir dýnuna. En svo tók ég rúmið í sundur og setti það síðan saman í holinu.. já hugsaði með mér að ég gæti svo bara ýtt því inn í hitt herbergið, var svo ánægð þegar ég var búin að setja rúmið saman og hugsaði mér til mikilla gleði að þetta vesta væri nú að verða búið.. BÚIÐ ó nei mér til mikilla skelfinga komst rúmfjandinn ekki svona auðveldlega inn í herbergið ó nei.. mín var sko að göra svo vel og skrúfa rúmið í sundur aftur, En þá kom ljósið og ég hugsaði HEY ég þarf nú ekkert að taka það allt í sundur. jú annar endinn á rúminu var ekkert mál að koma inn í herbergið og ég varð svoooo glöð, en svo gekk þetta ekkert of vel og á meðan ég ÆTLAÐI að koma rúmin á þennan hátt inn í herbergið kom Selma og hvatti mig áfram "þetta er alveg að koma mamma þú getur þetta" já ekki allir svona heppnir að hafa einhver sem hvetur mann áfram. en svo setti ég rúmið alveg saman aftur. En þá var það dýnan aftur ó já og Stjána Bláa vöðvarnir voru varla að hafa þetta af og varð ég að taka nokkrar pásur til að safna orku í þetta. Já þetta tókst allt hjá mér og ég tók mér matarpásu og gaf krakkadýrunum mínum líka að borða því þau verða auðvita svöng á því að hvetja mömmu sína áfram  Já svo fór ég að raða dótinu í hitt herbergið og koma öllu fyrir, tók svo aðra pásu eldaði kvöldmat og gaf að borða og kom svo Selmu og Erni í bólið svo fórum við Silja og héldum áfram að ganga frá dótinu, já um miðnætti var þessu afreki lokið og tók "aðeins 11 tíma ásamt matarhléum og stuttum pásum" já það er dugnaður í skagafjarðargenginu  Læt þetta duga í bili og verð víst að fara að setja í vélina og skúra gólfin..

Jæja þá er að byrja að blogga aftur.. Já ég hef ekki verið að standa mig í þessu. Þá bara reyna aftur. ætla að skella inn einhverju myndum og sjá hversu aulahelt þetta er hérna, næ vonandi að klóra mig í gegnum kerfið og verð farin að blogga á fullu áður en þið vitið :)